Zyra për Komunikim Publik funksionon si pjesë e rëndësishme e Prokurorit të Shtetit. Puna e kësaj zyre ka për qëllim realizimin e njohjes së opinionit publik me veprimtarinë dhe aktivitetet e gjithë institucionit të Prokurorit të Shtetit.

Zyra bën transparente punët dhe aktivitetet e prokurorive për opinionin publik dhe institucionet vendëse dhe ndërkombëtare, duke i ofruar informacione për veprimtarinë e prokurorive.

Zyra për Komunikim Publik nuk ofron asnjë informatë qoftë të drejtpërdrejtë apo tërthorazi që do të zbulonte sekretet zyrtare, do të rrezikonte një hetim apo procedurë penale në zhvillim e sipër, do të dëmtonte integritetin, dinjitetin, sigurinë dhe të drejtat për privatësinë e cilitdo person, apo që do të shkelte të drejtat e të miturve.