Prokuroria Speciale është organ i specializuar për hetimin dhe ndjekjen penale, e cila vepron si një organ i shkallës së parë në kuadër të sistemit prokurorial të Kosovës.  Prokuroria Speciale ka kompetencë në tërë territorin e Republikës së Kosovës, vepron dhe përfaqëson lëndët në gjykatën e përcaktuar me ligjin përkatës për gjykatat.Prokuroria Speciale është organ i specializuar për hetimin dhe ndjekjen penale, e cila vepron si një organ i shkallës së parë në kuadër të sistemit prokurorial të Kosovës. Prokuroria Speciale është kompetente të hetojë dhe ndjekë veprat penale për të cilat parashihet dënimi me dhjetë (10) vite e më shumë burgim, veprat penale të korrupsionit zyrtar, veprat penale kundër detyrës zyrtare, dhe veprat penale të pranimit ose dhënies së ryshfetit në sektorin privat, me kusht që dëmi i shkaktuar apo dobia pasurore e përfituar nga vepra penale është më shumë se pesëqind mijë (500.000) euro.

Prokuroria Speciale ka katër departamentet e përhershme si në vijim:

• Departamenti për hetimin e Krimeve të Luftës
• Departamenti për hetimin e Krimit të Organizuar
• Departamenti për hetimin e Terrorizmit
• Departamenti për hetimin e Korrupsionit dhe Krimit Financiar