Prishtinë, 27 mars 2025 – Komisioni për Çështje Normative, i kryesuar nga Armend Zenelaj, mbajti takimin e radhës, në të cilin morën pjesë prokurorët Bahri Hyseni dhe Ilir Morina, si dhe Koordinatori i Komisioneve të Përhershme, Besim Kusari.
Gjatë takimit të sotëm, pas elaborimit të analizës nga kryesuesi i grupit punues, prokurori Ilir Morina, Komisioni për Çështje Normative draftoi plotësimndryshimin e Rregullores për Themelimin dhe Funksionalizimin e Koordinatorit Kombëtar për Krime Ekonomike dhe vendosi që i njëjti të publikohet për dëgjim publik në faqen zyrtare të KPK-së.
Në fund të këtij takimi është thënë se pas marrjes së komenteve eventuale nga dëgjimi publik dhe shqyrtimit të tyre për inkorporim, do të bëhet finalizimi i tërësishëm i këtij drafti dhe do të dërgohet për miratim në njërën nga takimet e KPK-së.