Prishtinë, 21 nëntor 2022 – Komisioni për Çështje Normative, i kryesuar nga Armend Zenelaj, ka mbajtur takimin e tij të radhës sipas agjendës së paraparë.
Gjatë takimit të sotëm, Komisioni për Çështje Normative shqyrtoi dispozitat e draftit të Rregullores për Rekrutimin dhe Përzgjedhjen e Bashkëpunëtorëve Profesionalë, i cili parasheh mënyrën, kriteret dhe procedurën e rekrutimit të bashkëpunëtorëve profesionalë në sistemin prokurorial.
Me këtë rast, anëtarët e Komisionit, potencuan se përmes këtij drafti të rregullores do të realizohet një procedurë me efikase dhe më profesionale për rekrutimin e bashkëpunëtorëve profesionalë.
Ky draft i rregullores do të vazhdojë të shqyrtohet nga ana e anëtarëve të Komisionit për Çështje Normative edhe gjatë ditëve në vijim gjer në draftimin e tij përfundimtar.