Kryeprokurori i Mitrovicës urdhëron inicimin e hetimeve për video-incizimet e publikuara në portalin Indeksonline
Mitrovicë, 04 tetor 2019 – Kryeprokurori i Prokurorisë Themelore në Mitrovicë - Shyqyri Syla, ka urdhëruar Njësinë Rajonale për Hetimin e Krimit Ekonomik dhe Korrupsionit në Mitrovicën e Jugut, që të nisë hetime përkitazi me publikimin e video-incizimit në portalin Indeksonline publikuar me datë 03 tetor 2019, e në të cilat incizime pretendohet se dëgjohet S.T, i cili është vëllau i kryetarit të Komunës së Vushtrrisë Xh.T,.
Kryeprokurori Syla, ka kërkuar nga Njësia Rajonale për Hetimin e Krimit Ekonomik dhe Korrupsionit në Mitrovicën e Jugut, ndriçimin e këtij rasti si dhe ka kërkuar që kjo çështje të trajtohet me prioritet.
Me respekt,
Zyra për Komunikim Publik në ZKPSH
Prokuroria Themelore Mitrovicë