Telegram ngushëllimi i Kryesuesit të Këshillit Prokurorial të Kosovës, Jetish Maloku, drejtuar familjes Fejza, me rastin e vdekjes së prokurorit të Prokurorisë Themelore të Mitrovicës, Ibrahim Fejza
Prishtinë, 23 mars 2021
E nderuara Familje Fejza,
Me dhimbje dhe pikëllim të thellë morëm lajmin e papritur për ndarjen nga jeta të familjarit tuaj dhe kolegut tonë të dashur, Ibrahim Fejza.
Me këtë rast, e nderuara familje, na lejoni të ndajmë dhimbjen me Ju, duke shprehur ngushëllimet tona më të sinqerta për Ju, të afërmit, pastaj kolegët dhe bashkëpunëtorët e tij.
Prokurori i ndjerë, Ibrahim Fejza, do të mbetet përherë në kujtimet tona si shembull i dinjitet, përkushtimit dhe integritetit njerëzor dhe profesional në sistemin prokurorial të Republikës së Kosovës.
Qoftë i përjetshëm kujtimi për të!
Me respekt,
Kryesuesi i Këshillit Prokurorial
Jetish Maloku
.png)