U mbajt takimi i radhës së Këshillit Prokurorial të Kosovës
Prishtinë, 28 shkurt 2012 – Sot u mbaj takimi i gjashtëmbëdhjetë i Këshillit Prokurorial të Kosovës, i kryesuar nga kryetari i këshillit, kryeprokurori i Shtetit z. Ismet Kabashi.
Në këtë takim ndër të tjera u diskutua për draft-agjendën dhe draft-planin vjetor të punës së Këshillit Prokurorial të Kosovës për vitin 2012.
Gjithashtu, u diskutua edhe për instalimin dhe aplikimin e bazës së të dhënave në prokuroritë e Republikës së Kosovës.
Edhe buxheti dhe hapësira për punë e Prokurorisë Speciale të Republikës së Kosovës ishin pikë e diskutimit të këtij takimi.