Tryeze pune për sekuestrim dhe konfiskim të pasurisë së paligjshme
Prishtinë, 4 maj 2017 - Koordinatori Kombëtar për Luftimin e krimit Ekonomik me mbështetje të Projektit të BE-së “Mbështetja e mëtejshme Institucioneve të Kosovës në luftën kundër Krimit të Organizuar, Korrupsionit dhe Ekstremizmit të Dhunshëm` ka organizuar tryezën tre ditore me temën ` Konfiskimi i pasurisë së paligjshme”.
Në këtë tryezë që organizohet në Durrës marrin pjesë edhe kryeprokurori i Shtetit, Aleksander Lumezi, prokurorë dhe gjykatës nga Kosova dhe Shqipëria, përfaqësues të Ambasadës Amerikane dhe përfaqësues të BE-së në Kosovë që njëherësh janë edhe financues të tryezës.
Temat e diskutimit në këtë tryezë janë:
• Dispozitat ligjore për konfiskim sipas KP, KPP, dhe LKZK – sfidat;
• Vëzhgimet nga rastet e GjEDNj për konfiskim dhe rastet praktike;
• Bashkëpunimi rajonal dhe konfiskimi i pasurive të paligjshme në Shqipëri;
• Praktika britaneze për konfiskimin e aseteve të paligjshme;
• Gjykata Supreme– KPP, me theks të veçantë në nenet 69, 96 – 99;
• Përvoja amerikane në pasuritë e paligjshme, llojet e konfiskimit: penale, civile, administrative, dhe krahasimi me praktikën në Kosovë.
Qëllimi i kësaj tryeze është mbledhja e akterëve kryesorë të përfshirë në mekanizmat e sekuestrimit dhe konfiskimit të pasurisë së paligjshme për të diskutuar të metat e regjimit të konfiskimit në Kosovë, si ato legjislative po ashtu dhe ato në praktikë, diskutimi i praktikave më të mira evropiane dhe zbatimi i tyre në kontekstin e Kosovës
Do të bisedohet për gjetjet e zgjidhjeve më të mira të mundshme për të përmirësuar këtë regjim, dhe përmirësimi i bashkëpunimit ndërmjet prokurorisë dhe gjykatës së Kosovës për të luftuar krimin e organizuar dhe korrupsionin me theks të veçantë sekuestrimin dhe konfiskimin e pasurisë së fituar me vepër penale.