Me urdhër të prokurorit të Prokurorisë së Qarkut në Prishtinë konfiskohen rreth një milion dollarë të falsifikuar dhe arrestohen pesë persona
Prishtinë 12 shtator 2012 / Sot me urdhër të Prokurorisë së Qarkut në Prishtinë, pas një hetimi në bashkpunim me Policinë e Republikës së Kosovës, janë arrestuar A.B. i lindur më 05.01.1945, F.B. i lindur më 01.02.1977, R.L. i lindur më 05.05.1957, F.L. i lindur më 19.04.1981 dhe V.L. i lindur më 09.04.1988, për të cilët dyshohet se kanë kryer veprën penale: falsifikim i parave, nga neni 244 par. 1 i Kodit Penal të Kosovës.
Gjatë kontrollimit tek dy të dyshuarit e parë janë gjetur dhe konfiskuar 980 mijë dollar amerikan të falsifikuar, e të cilat para dyshohet se janë prodhuar në shtypshkronjën ‘’Verona’’ në Prishtinë, pronë e të dyshuarit R.L.
Me urdhër të prokurorit të dyshuarve u është caktuar ndalimi policor, ndërkaq janë konfiskuar edhe makinat për prodhiimin e parave të falsifikuara.
Hetimet për këtë rast do të vazhdojnë nën autorizimet dhe mbikqyrjen e Prokurorisë së Qarkut në Prishtinë.