Lajm - Psh | Sistemi Prokurorial i Republikës së Kosovës
left stars
right stars

Kryeprokurori i Shtetit, Aleksandër Lumezi, priti në takim Ambasadorin e Italisë në Kosovë, Nicola Orlando

Prishtinë, 15 dhjetor 2020 – Kryeprokurori i Shtetit, Aleksandër Lumezi, ka pritur në takim Ambasadorin e Italisë në Kosovë, Nicola Orlando

Gjatë këtij takimi, Kryeprokurori Lumezi dhe Ambasadori Orlando, diskutuan çështje me interes të përbashkët institucional, përfshirë mbështetjen e Italisë për forcimin e sundimit të ligjit në Kosovë dhe për mbështetjen institucionale të investimeve të ndërsjella.

Kryeprokurori e njoftoi Ambasadorin për progresin e sundimit të ligjit në Kosovë dhe çështjet thelbësore me të cilat ende duhet të përballen, veçanërisht në lidhje me luftën kundër krimit të organizuar dhe korrupsionit.

Ambasadori Orlando konfirmoi gatishmërinë për të forcuar më tej bashkëpunimin dypalësh në këta sektorë.

Në fund të takimit, Kryeprokurori i Shtetit, Aleksandër Lumezi, falënderoi Ambasadorin e Italisë, Nicola Orlando, për vizitën, mbështetjen dhe interesin e treguar për institucionin e Prokurorit të Shtetit.

Me respekt,

Zyra për Komunikim Publik në ZKPSH