U mbajt aksioni vullnetar i dhurimit të gjakut në sistemin prokurorial
Prishtinë, 4 nëntor 2020 – Këshilli Prokurorial i Kosovës dhe institucioni i Prokurorit të Shtetit në bashkëpunim me Qendrën Kombëtare të Kosovës për Transfuzion të Gjakut kanë organizuar një aksion vullnetar për dhurim të gjakut, me ç ‘rast ftesës për dhurim iu përgjigjën një numër i madh i zyrtarëve të sistemit prokurorial.
Bashkëpunimi ndërinstitucional i sistemit prokurorial dhe Qendrës Kombëtare të Transfuzionit të Gjakut ka vazhduar duke u rritur në saje të interesimit të dyanshëm për të bërë akte të tilla humanitare që shpëtojnë jetë njerëzish.
Qendra Kombëtare e Kosovës për Transfuzion të Gjakut ka vlerësuar lart iniciativën e dhurimit të gjakut, duke shprehur mirënjohje për të gjithë dhuruesit vullnetarë të gjakut.
